نتمنى ان تنال اعجابكم وان نلقى منكم كل تشجيع ونقد بناء
روايتنا هادفة ...وتناقش بعض المشاكل الاجتماعية ...رومانسية ..كوميدية ..درامية ...(كلشي مخلط هههه)
الجزء الاول
--قلتلك طلعي ...يالله بلا ما تعصبيني
--واش مل كاتسمعش راه ما عندي والو
خدا ليها الصاك قلبو لقى فيه خمسة دراهم ...خداها او زاد بالمتور كايجري من بعد ما رمى الصاك على وجهها ....
بقات مسمرة ف بلا صتها ...من صباح او هي كاتسنى الطوبيس ترجع لدارهم...دابا حتى جا الطوبيس ... ماتقدرش تطلع
كان كا يشوفيها من الزاج نتاع الباص دغيا طلع او خدا بلاصا حدا الشرجم او بقى كيشوف فيها
مسكينة .هديك البنت شكون هادك الحمار للي خدا لها الفلوس....ولكن علاش ما غوتاتش او مال الطلبة مادارو والو
شوية ما حاس براسو حتى نزل كيجري
--حبس اخويا عافاك انزل....
الشيفور تعصب يالله ديمارا :هاد المرة حتى تاكد عاد تبقى تطلع....
نزل من الطوبيس و مشى عندها ...كان خايف او متوتر شنو غادي يكولها
السلام ...شوفي اختي ايلا كنتي باغى تركبي ف الطوبيس نتسناو الاخر يجي او نخلص راه ماشي مشكيل....
هي دارت شافت شكون كيهدر معاها ...بزربة او حنات راسها ...عينيها تغرغرو بالدموع ..او حسات بالحكرة ...
هو ملي مارداتش عليه عاود قالها
---شوفي اختي ...راني شفت هاداكشي للي طرالك... او راني غير بغيت نعاونك او صافي ....
البنت تزنكات او دموعها بقاو كيسيلو كانت مزيرة مقدراتش تهدر ...شوية دارت عندو قالتلو...صافي عافاك غير سير ...بلا ما تورط معايا
نتورط معاك؟؟؟؟لالالا اختي الدنيا هانيا ...راه حسن تمشي تغداي بلا ما تبقاي ف هاد الشموشات بوحدك
---واش ساكنة ف الحي الجامعي؟؟؟؟؟
--قالتلو لا انا راني ساكنة ف حي السعادة....
---اه السعادة شوية بعيد...خاصك ضروري طوبيس...
---صافي ها هو قريب يجي او نمشيو فيه انا راني غير قريب ف الحي الجامعي....
---لالا عافاك غير سير انا غادي نتسنى العشية راه مازال عندي لي كور....
---ايوا اوباش غادا ترجعي لداركم؟؟؟....سمحيلي ايلا دخلت ف حياتك...ولكن شكون هاداك الحمار لي خدالك فلوسك....او علاش ما غوتيش
هنا رجعات كتبكي عاودتاني....او تزنكات بالبكى ...بقات فيه بزاف خرج واحد كلينيكس او عطاهليها....سمحيلي اختي كندخل فيك
لا ما شي مشكيل ولكن هاداك الحمار للي كتهدر عليه راهو خويا الله ياخد فيه الحق ويهنيني منو....
----خوك؟؟؟؟ ولكن كيفاش علاش كايعملك هاكا....واش تصطى خاليك ف هاد الوقت بوحدك.....
مازال
كتبكي:هاداك راهو واحد المصخوط من نهار ماتت ماما الله يرحمها او هو مخرج
لي عقلي ...كيديرلي غير للي يفقصني ...او تابعنب فيما مشيت ...كرهني ف
حياتي الله ياخد فيهم الحق كاملين...
بقات كاتبكي او صوتها مفقوس او محكور
جبد واحد كلينيكس اخر او عطاهليا
-----ولكن علاش كيدير لك هاكا ...واش ما عندكش خوت اخرين ...او الوالد؟؟؟؟
-----الوالد؟؟؟ الوالد من نهار طاحت ماما لله يرحمها او شدات الفراش ما بقينا شفناه.... تزوج مرة خرى او نكرنا كملين
----او معا من عايشا دابا؟؟؟؟
----راني
عايشا مع خوتي هادوك الشمكارى((السكارى)) الله ينتقم منهم...تكرفصو علي
...كيعاملوني كي شي خدامة....كانطيب ونسيق ونجفف ...ويزيدوها بالغوات او
الضرب ....(كاتهز راسها لسما وبدات دعي عليهم)
--"يارب لما تاخدهم جميع وتهنيني منهم ياربي""
بقا مسكين مصدوم او ما لقى ما يكولها ....ايوا الصراحة راكي بقيتي في ...ماعرفتش كيندير نساعدك
شوف عرفتي ايلا بغيتي دير في خير....خلي عندك هاد الامانة
هزات شعرها ...او حلات السنسلة ديال الذهب للي ف عنقها...شداتها ف يديها او بقات كاتشوف فيها او كاتبكي
خدات ليه يديه او حطات فيهم السنسلة او سداتهم ,,,,
---شوف
هانتا هاد السنسلة هي للي بقاتلي من الريحة ديال ممي الله يرحمها....راني
وليت خايفا عليها بزاف من هادوك المصاخط....راهم باعو كولشي ...بقاتلهم
غير هادي للي ما شافوهاش....بغيتك تخبعها عندك......او وعدني بللي غادي
تحافظ عليها ....او ماتبيعها وخا مانعرف شنو يطرا
----كان مصدوم من الهدرا ديالها.....ولكن علاش فين غادي تمشي
----غادي
نسافر ....غادي نمشي نخدم ف طنجة....ولكن حتى تاحلي الفرصة او غادي
نمشي....عافاك احتفظ بها حتى نهار للي نبغي نمشي....صافي واعدني عافاك
----صافي اختي كوني هانيا .....ولكن باش غادي نتصل بيك ....؟؟؟عطيني نمرا
----نمرا؟؟؟؟علاش هاادك الحمار خلالي شي تليفون نتا عطينا نمرا ديالك وانا غادي نصونيلك....
--كتبلها النمرا....خداتها
---صافي شكرا بزاف دابا غير سير انا راه غادي نرجع لافاك ...راه يكونو صحابك كايتسناو هاهو الطوبيس جا
--تفكر بلي ما عندها تا ريال او جبد واحد عشرا دراهم
حطهوملها ف يديها او قالها والله حتى تشديهم باش ترجعي للدار ..راه مابيناتناش حنا الطلبة....ياك تبسمليها
ابتاسماتليه او طلع كيجري ف الطوبيس بقى كايطل عليها او هي زادت مع الطريق
الجنس
المهنة
العمـر
النقاط : 
تقييم الأعضاء : 
موضوع: بعيدا عن احضان العائلة((رواية مشتركة باللهجة المغربية)) 
الأربعاء أبريل 11, 2012 8:33 pm
