هذا واحد الملك كان عندو واحد الوزير فين ما كطرى لهداك الملك شي حاجة كيعاودها للوزير ديالو..وكيكون جواب الوزير "فيها خير".
واحد النهار خرج الملك في رحلة صيد لوحدو...الملك بغى يضرب واحد الحجلة خرجت القرطاسة و ادات ليه صبع..
ارجع الملك للقصر لقى الوزير في استقبال..وعاود الحكاية ما اطرى ليه في رحلة القنص...
كان اجواب الوزير كيف العادة "فيها خير".
الملك ابغى يتفقص على اجواب الوزير..وهو يقول ليه غادي نشدك في الحبس...
كان اجواب لوزير "فيها خير"ايلا انت شديتيني في الحبس.
دازت ليام...وفي يوم قرر الملك باش يسافر لادغال افريقيا فين كاينين الوحوش والكانيبال.
الملك سافر..وخلى الوزير في
الحبس...وفي اطريق السفر اتلاقاوا ليه الكانيبال..وهما يشدو الملك...اداوه
لعند الزعيم الكبير اديال الكانيبال..
قبيلة الكانيبال فيها واحد الوحش ديما كيبرزطهم..وباش يرضي عليهم ..كيقدموا ليه قربان...في كل عام
هذاك العام القبيلة فرحانة.. غادي يقدمو قربان للوحش اغلى حاجة في الدنيا...غادي يعطيوه ملك
قدمو للوحش الملك ..وقالو ليه ...راه القبيلة غادي تهديك اغلى قربان في الدنيا من جنس الانسان..غادي نعطيوك ملك...
فرح الوحش مزيان لهاذ القربان..لكن اشرط عليهم شرط
قالو ليه امر تعمل اسيدنا الوحش...اشناهو هاد الشرط..
قال ليهم..انا الوحش غادي نفليه..ونقلبو..طرف بطرف..واش كامل ومكمول..او..لا..لا
قالو ليه من حقك اسيدنا الوحش..قلبوا فليه..احنا باغين رضاك آ سيدنا الوحش..
ابدى الوحش كيفلي في الملك..لما وصل ليديه القاه ناقص اصبع..وهو يلوحو ليهم..وقال ليهم قربانكم ماابغيتوش...ومايلزمنيش.
ناض الملك من امكانو ..وطلقت قبيلة الكانيبال اسراحو..
ارجع الملك.. لبلاد و قصرو ..ولما وصل للقصر.. انزل مباشرة للسجن ..واطلق اسراح الوزير و سولوا باستغراب.
قل ليا آسي الوزير...كيفاش قلتي ليا لما شديتك في الحبس.."فيها خير"..آشمن خير كتقصد..
قال ليه الوزير معلوووووووووووووم فيها
خير..لانني كون امشيت امعاك انا في هاد الرحلة ..غادي يطلقوك انت ويشدوني
انا ..وكون دابا انا في كرش الوحش.
لهدا يا الاخوان هادي حكمة نقلوها الاجداد..لاولد والحفاد..وبهاد
المناسبة كندعيوا ليهم بالرحمة والغفران ياربي امين وكننقلها لكم انا بدوري بامانة..ونسالكم خير الدعاء

[ندعوك للتسجيل في المنتدى أو التعريف بنفسك لمعاينة هذه الصورة]