لاموني على ضيمي ..
المادروا بالضيم ..
وآني لخاطرك ..
ما أنطي بسرارك
وحسدوني عليك ........
وآني كلي جروح ..
ومتحمل لعينك ..
وجع بسمارك
لو بالخافي يدري اليعتب ع الروح
چان ابعينه شاف ....
بگلبي آثارك
تحملتك جرح .....
والون ، أون بسكوت ..
وفوگ الجرح هسه
أتطالب بثارك !!؟
هاك الروح بيدك ..
وأنت حر شتريد ..
سوي اللي تحسه ..
أيطفي الك نارك
معذور آني أعذرك ..
لأن گلبي وياك ..
خطوة .. بخطوة يمشي
ويعرف أخبارك
خطار آني روحي .. وأجت يمك ضيف ..
ماظن شيمتك تغدر بخطارك !!
تعرفني أنت زين ..
وأكثر من الناس ..
أحط روحي سعف ..
بس أحمي جمارك
سوي اللي تريده ..
شظل بعد بالروح ؟
مو روحي رهينه وباقية بدارك
تزعلني ، وأحبك ، وأفرح بطرواك
وروحي أتذوب لهفه ..
من أسمع أشعارك
يا كلشي
وكلشي أنت وياي
لاحظ على جروحي ويكفي أعذارك
مو تدري الوصية
أتلوح .. سابع جار ...؟؟
يا جيران گلبي
شبيك وي جارك





مما راق لي نقلته لكم أحبتي[center]

[ندعوك للتسجيل في المنتدى أو التعريف بنفسك لمعاينة هذه الصورة]


شكرا جزيلا على المشاركة الطيبة



[ندعوك للتسجيل في المنتدى أو التعريف بنفسك لمعاينة هذه الصورة]