آية حِسِن ...

بعدني بعز شبابي وشيبت ليش

يل عمري بدونك لا تظن محسوب

ثاري الشيب حسره بنار الأشواگ

لأن حبك بگلبي صبابه مصبوب

من تگبل علي وتگلي اهواك

شگلك غير چني بسهم مصيوب

يا آية حسن خلاهه رب الكون

حته ابقه احبك وابد ماتوب

تستاهل دموعي لو اهلهه عليك

واذا حبك ذنب اتحمل ذنوب

مثل سمچه صرت بيام الفراگ

وانته الماي گلي شلون مالوب

انه الروحي جبال وما تهزهه الريح

ومن توگف گبالك شمعه وتذوب

اصبُّر بالصبر حته الصبر يشتاگ

وانه الصبري گضه ويرادلي انوب

يل تدري زماني شعمل وياي

شلون تريد گلبي يصير ايوب

اموتن واحتيي وهم اضل اهواك

لإن إسمك بگلبي من الصغر مكتوب

و إذا عالشيب سهله ومو مشكله الشيب

بس حبك حبيبي يشيب گلوب

بس حبك حبيبي يشيب گلوب ..

**********
******
***
*
آيَة حِسِن...


تحياتي للكل و انتظر ردودكم الحلوة