شوكي يكتل
والقهر كدام عيني رايح وجاي يتمندل
لااشوفك تجي ليه ولااظن بسماي أتهل
والفكر محتله شخصك حاكم ومايوم يعدل
تيهت كل الابواب وحرت شفتح انه شقفل
وك تسودن نبضي بيه بين دكه ودكه يجفل
واختنك من ماأشوفك والدمع من عيني ينزل
وصحت للحب من وراء الباب ادخل
رفض كلش يطري روحي وصاح اخجل
حتى ويا الحب نصيبي ينرسم مأسات تكتل
اولدت بأرضك حناني وكبر بأحضانك تخيل
وانته تكطع امل روحي بقسوتك ياحلى منجل
مأحبك انه كلش كلبي برسومك تخبل
النفس لجلك تعنه ورايد بصدرك يجيل
والوضع تعبان كلش حيل بكليبي تبهذل
ومشى شوقي بارض حبك واعلنو منع التجول
يعني مفقود الامل بارضك حبيبي والعشك مات وتحلل
حاكم الاحزان