العمر //// فرصه والسعاده يوم في ... وجــه الـزوال
وماضي السنيـن .. تروح ذكرى في سطور الـذكريات

والمستحيله من طمعها ماعرف ويـش مقدار .. المُحال
وانا اعرف ان الراحله لاعّزمت ماردت خطاها وجات

ليش التصنع واغتصاب الفكر في بحر المتاهه والخيال
عمر التمني ماخلق في صاحبه زين المكارم والصفات

هذي طميه مع مخضات الزمن حنت على شوق الرحال
لاهي بقت فوق الجبال ولا ارتوت دجله ومنهال الفرات

طميه اللي ساقها الغربال /// تحت الديم وبروق الخيال
تّرقب خليلً كل ((ماناض الحيا ))) تسهر طميه ماتبات

يشوقها قطن المسمى والهوا ناره على صدر الشمال
وقامت توجّد باللقاء المحتوم ولا وش مناها في الحياة

وانا اسأل الايام وارقب ردها وارجع واردلها السؤال
وسكوتها بعثر حنين الخافق اللي عاش عامه في سبات

اذكر مظاهير الظنون اللي حراويها على روس الليال
وانشد عن الريم الشرود اللي تحطم نظرته كل البنات

ابحث وتطري لي طميه جات لجل الحب ماقالت تعال
الله واكبر صاح منها الطير وادمع حسرته وادي مرات

والحال ينحت في هضاب الهم وصفه كل ماحصّل مجال
متى على الله تبـتسم دنياي //// وتـبـدل تعابيـر الشمات

وحبل المطيه في يمـيني بس خـلي في يـده حبل الوصال
وشوفه يبل الخاطر الضميان واحلى من مشاريب القلات

الجادل اللي في شتاه يطالع المنشى ويبدي في الطوال
شاوي وله هيبة ملوك الليل ويذل العواذل في سكات

العام بشهور الظـما . نرهـى على برد الفيافي والظلال
واليوم طاح البرد والاوراق وشهور الظما راحت شتات

ادبر عن القفر السناوي وادبر الخفاق مع زين الخصال
مدري يرجعه الزمن ولا يحول البعد دونه والممات ..!!

ارجو ان تنال اعجابكم

[ندعوك للتسجيل في المنتدى أو التعريف بنفسك لمعاينة هذه الصورة]





السلام عليكم ورحمة الله

جزاك الله خيرا اخي الفاضل

بارك الله فيك





جزاك الله كل خير اخي الكريم و جعله في ميزان حسناتك





لا اله الا الله محمد رسول الله

جزاك الله خيرا













[ندعوك للتسجيل في المنتدى أو التعريف بنفسك لمعاينة هذه الصورة]








و السلام عليكم و رحمة الله و بركاته










[ندعوك للتسجيل في المنتدى أو التعريف بنفسك لمعاينة هذه الصورة]