لاتحسب اني يوم طولت ناسيك
وانا طفا الجوال مالقيت شاحن

آمر تدلل عند من كان مغليك
اللي هواجيسة بحبك تطاحن

ولا تعاتب روحك الله يخليك
تصحي هموم في فوادي تلاحن

مادمت انا من بدة الناس شاريك
في خاطري مالك بقلبي مداحن

اقلط بنفسك وسط بيت يحييك
اللي بذكر اسمك الى ماطرا حن

والا استلم قلب يودك ويفديك
ماله بغير اسمك في الحب شاحن

==============
انا لحالي وادري انك لحالك
وانا عليّ اهموم وانته بك اهموم

ماني بعاذل هاجسي في خيالك
مادمت محروم وانا منك محروم

مالك ومالي مال قلب ومالك
وشلك علامك ليش ضايق ومصدوم

صحيح باين ماتخفي بحالك
واللي يجي هذا مقدّر ومقسوم

========
انا مريض وحالتي حالة الشين
بالله يادكتور وين انت عنها

اما تعلمني بغيرك مداوين
والاّ تشيل اللي معذبك منها

والا اشرها ذمة ومسموح في الدين
وانا ادري انك مابترخص ثمنها

========
ياليت حبك ماسكن قلب مغليك
لأنه سميح ولايحب المذلة

وياليت مايجذب عيون الفتى فيك
ماهوب فيك ولا فوادك محله