أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـات بالضغط هنا. كما يشرفنا أن تقوم بالتسجيل بالضغط هنا .
[ندعوك للتسجيل في المنتدى أو التعريف بنفسك لمعاينة هذه الصورة] قالك واحد هكر ( يعني مخترق مواقع آو أجهزة آو غيرهما ... ) تزوج بوحدة هكر هي تاني جابو طفل سماوه ثغرة برمجية هههههههه ... ---------------------- قالك 3 حيوانات ** أكرمكم الله ** .. حمار و كلب وفار .أكركم الله هههههههه ..حارقين ههههه .. قالك في وسط الزودياك سقساو بعضاهم على السبب ألي خلاهم يحرقو .. قالو للفار علاه قاللهم أنا راني حارق لأني أي حاجة تتسرق ولا تروح ولا ما تلقاوهاش يحصلوها فيا أيا كرهت هههه .
قالو للكلب وأنت علاه قاللهم أنا كرهت أي واحد يتخلع فالليل ولا يتعض يحصلوها فيا أيا قلت نحرق لأنو فالبلدان الأوروبية عندنا حقوق ههههههههه .. وصل تور تاع الحمار قالول علاه يا الحمار راك حارق قاللهم justement على الهدرة هاذي بعد راني حارق هههههههههههههههههههههههه ---------------------- قالك واحد عجبتو صحتو خطبها ---------------------
قالك واحد سكران خابط مور ههههههههه وقف قدام دارو سقساه بوليسي قالو هل أنت من أهل البيت قالو لا أنا من كفار قريش ههههههههههههههههههههههههههههههههههه .. -------------------- واحد راح للبحر ايا شافوه جماعة صنايعية سرارقة حبو يسرقوه جاو لعندو قالولو جي تورني معانا فيلم الرسالة عطاوه وحد الجيبة مقطعة وقالولو نتا تمثل وحشي من بعد داولو قشو وهربو كي طولو عرف بلي تسرق ..مشى لعند الكوميصاريا يشكي قالو الضابط ونتا فيمن تشك ههههههههههههههه قالو في قريش هههههههههههه ---------------------- قالك خطرة واحد أحول دخل للياهو وراح لجوجل يشاتي ههههههههههههههههههههههههههههه ----------------------------
قالك دارو مسابقة شكون ألي يبل**** الميكرو " الكمبيوتر " قالك وفي هاذيك المسابقة كاين 3 واحد من الماريكان والثاني من الصين والثالث بالطبع واحد من الجزائيرين المجانين هههههههههه
قالك جاء الماريكاني زعما وسأل الكمبيوتر كم عدد النجوم فأجابه ثم سأله الثاني يعني الصيني فقال كم عدد الدراجات النارية في الصين فأجابه فأتى الجزائري هههههههههههه العالم فقال له : قطعة أرض طولها 55 كيلومتر وعرضها 20 كيلومتر . فكم عمر الفلاح ... هههههههههه فأنفجر الكمبيوتر .......... ------------------------------ بعث أسامة بن لادن الى الرئيس الامريكي جورج بوش مسطرة طويلة واخرى قصيرة وممحاة ،فاحتار بوش وعرضها على رؤساء العالم فلم يفهمو معناها الى ان عرضها على الرئيس عبد العزيز بوتفليقة فقال له: انه يقول لك: تطول ولا تقصر نمحيك نمحيك.......... ههههههههههههههههههههههههههه -------------------------------- قالك وحد المرة نصرة الله تاع حزب الله قال في خطاب على قناة المنار لإسرائيل سنضرب معسكركم لغدوة ناس معسكر كامل رحلو لوهران --------------------------------
قالك وحدة طلقت شعرها هرب . وواحد جرات كرشو ماحكمهاش . واحد تقلق مات . وواحد صبر إنفجر . وواحد تقلق عطاولو طوموبيل زاد تقلق نحاوهالو عند روحو كيما يزيد يتقلق يعطيوه طوموبيل وحدة خلاف . ووحدة جات تسلك شعرها ما لقاتش الصوارد . واحد طاح عليه الليل كسرلو يدو . واحد جا ينشر الإسلام ما لقاش المساسك . واحد من الصومال قاعد يدوش زلق جا تحت الباب . -------------------------------- قالك واحد من الصومال لقى حبة فول حل قرقوتي .ههههههههههه.. --------------------------------
قالك وحد الخطرة بوتفليقة سب الرئيس الأمريكي فغضب بوش وقال لبوتفليقة خير بلاصة في الجزائر نقصفوها فإخترا بوتفليقة معسكر لغدوة جات الطائرات تاع أمريكا لما وصلوا لولاية معسكر لقاوها مغطية بباش كبير ومكتوب على الباش ولاية المدية . --------------------------------------
قالك ثلاثة في الصحرا رايحين يموتوا من العطش واحد من الجزائر وفيه الطبايع تاع ليهود وواحد من المريكان وواحد من الصومال قالك وهوما يمشيو فالصحرا لقوا الفانوس السحري حبكوه خرجلهم الجن شبيك لبيك ألي تطلب بين يديك قالو تاع المريكان رجعني لبلدي ( خاطرش هو أصلا إ نسان مرفه ) قالو تاع الصومال رجعني بيض البشرة وزين وأعطيني ملايير الدولارات ( خاطرش مسكين زاولي وعندو خليقة الله يستر ) قالك بقا تاع الدزاير يخمم ومن بعد قالوا رجع الصومايلي كيما كان ولو نموتو هنا هههه -------------------------------------
قالك ثلاثة واحد جزائري مسلم وفيه الطبايع تاع ليهود وواحد مسيحي يعبد سيدنا عيسى وواحد هندي يعبد بوذا قالك قاعدين يتغاننو من هو ألي متبع الدين الصحيح ينطق الجزائري قالهم نطلعو لرأس الجبل ونتقارعوا ونسوطيو من الجبل وكل واحد يدعي مولاه قالك جات فالمسيحي هو الأول أمالا سوطا وقاعد يقول يا ربي عيسى منعني ياربي عيسى منعني قالك مامنعش ويجي علا راسو بممممممممممم قالك موراه سوطا تاع الهند وقاعد يرمرم بين شواربو ويقول يا بوذا منعني قالك من زهرو جا فايت وحد الكاميو تاع التبن طاح فيه منع قالك الجزايري خدمتلو كيفاه منع وهو وهندي ويعبد بوذا ويسوطي الجزائري ياربي منعني ياربي منعني (يعني نجيني ) ( وهو كان مكتبلو ربي سبحانو يموت في هاذاك النهار ) قالك بقا يقول يا ربي منعني يا ربي منعني يا ربي منعي قالك قرب من الأرض وما كان والو يعني لا كاميو لا والو ههههههه هز راسو للسما وقال يا بوذا أنا خوك ههههههه -------------------------------------
قالك واحد سقسى واحد ثاني قالو واش أسمك قالو عبد الجبار قالو وخوك الآخر قالو عبد الجبار قالو وخوك الآخر قالو عبد الجبار حار الواحد الأول وقال آو أنتوما كامل سمكم عبد الجبار نطق ليه الثاني وقالوا لا كاين خويا مصطفى إسمو عبد الكريم -------------------------------------
قالك وحد الخطرة وحد الطفل كل ما يروح لمول الحانوت يقول عندك البطاطا يقول إيه يقولو أعطيني زوج كيلو طماطم و خطرة قالو عندك الصابون قالو إيه قالو أعطيني 3 دانون وخطرة قالو عندك الحلوة قالو إيه قالو أعطيني فلاش كبير أمالا تغشش مول الحاونت وقالك والله نقول لباباه راح عندو وقالو بنك يقولي عندك البطاطا نقولو إيه يقولي أعطيني زوج كيلو طماطم و خطرة قالي عندك الصابون قلتلو إيه قالي أعطيني 3 دانون وخطرة قالي عندك الحلوة قلتلو إيه قالي أعطيني فلاش كبير نطق الأب تاع الطفل وقالو لمول الحانوت عندك الذرع تاع البالي قالو هيه قالو أعطيه زوج كفوف . ------------------------------------- قالك خطرة إمام مسجد شكاو بيه علاه ؟؟؟؟ قالك يطول بزاف في الخطبتين تاع الجمعة هههههههههه جابو واحد خلاف قالك يا سيدي الإمام الثاني ألي جابو علابالو بالمشكل الأول تعهم قالك الجمعة الأولى دارلهم خطبيتين ليه ليه قالك كيما خلص قالهم تعرفو القصة تاع سيدنا عيسى مع النصارا قالولو إيه هههههههه قالهم ما تجيوش الجمعة الجاية هههه . ------------------------------------- وقالك واحد الحاج قاعد يتوضا قالك يديه يغسلهم ب 1 لتر هههه يعني يسرف بزاف وكان الحاج هذا حاط قدامو علبة تاع الشمة تاع بكري ههههه تاع الحديد هاذوك هههههههه المهم نطق ليه وحد الراجل وقالو يا الحاج علاه تضيع الما هذا كامل والله العلبة ألي قدامك هاذيك نتوضا بيها نورمال ههههههههههههههه قالو الحاج هذاك هك أتوضا بيها نشوفك ههههههههههه المهم تعافر الراجل هذاك كيما كان الحال وتوضا بيها ههههههههه كي خلص قالو راني توضيت بيها شفت جبدلو الحاج ورقة ماصة وقالو صلي على هاذي نشوفك هههههههههههههههههههههههههههههههه ------------------------------------- وهاذو حكايات حقيقة صرات في بلادي وين نسكن هههههههههههههههههه هذا شيخ كبير و خرف إسمو علي
قالك خطرة سي علي هذا قاعد فالميضا يتوضا قالك توضا وخلص جبد من الجيب محرما ينشف الما ألي بقا على وحهو نطق ليه وحد السلفي وقال يا الحاج ما تمسحش الما ألي بقا خليه راه يشربو منو الملائكة كي تعود تصلي قالو إيييييييييه يخليو الميضا هاذي كامل ويجيو عند سي علي يشربو هعهههههههههه
وقالك خطرة في وقت الصلاة كيما يعلم الجميع لازم يستوي الجميع والقدم عند القدم والكتف عند الكتف ههههههههه وهاذ سي علي أكره حاجة عندو هي أنك تحشر رجلك في رجلو قالك وحد النهار طاح مع واحد سلفي سي علي يجبد رجلو والسلفي يزيد يقدمو علي يجبدو رجلو والسلفي يقد رجلو المهم بقاو هكذيك حتى ولاو رجليه تاع سي علي هذا لاصقين في بعضاهم هههههههههه هز رجلو علي هذا فالسما وقال للسلفي أحكم جدو ظرك .
ومام هو فالصلاة يصلي وحدو هههههه يبدا الإمام يقرا الفاتحة والآيات تلقاه الإمام ما زال ما خلصش وهو يركع الله أكبر هههه وتهبط معاه الأمة كامل يبقا غير الإمام هههههههه واقف .. وقالك تاني واحد من عندنا إسمو المازوار هههههههههههههههه بكري كان يبيع الدجاج يعني يربيه وكي يكبر يبيعو قالك ربا 50 دجاجة و في وقت الشتا ما تولو 30 المهم هز ال 20 ألي بقاتلو وراح بيهم للسوق قالك جا ليه واحد فقير يطلب قالو كاش ما تمدلنا يا خويا تاع ربي // يعني لوجه الله // رد عليه هههه قالو تاع ربي داهم بقاو غير تاع المازوار هههههههههههههه ----------------------------
الجنس
المهنة
العمـر
النقاط : 
تقييم الأعضاء : 
موضوع: نكت جزائرية 
السبت أبريل 24, 2010 9:39 pm
