السلآام عليكم
جبتلكم اليوم
نكت جزآئرية 2011 جديدة
رآئعـــــــــــــــة
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
1- قالك واحد زيو خايب تصور ما بين زوج احمرة
و حط هاذايك التصويرة فالفايسبوك
و كتب ملآحظـة : أن قاعد الوسط.
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
2- قالك النمال لعبوا ماتش مع الفيولة
و ربحوا النمال
امالا في تصريح حصري للقزديرة الرياضية سقساو الكابيتان تاع
الفيولة [فلفول] عن سبب الخسارة قاليها بلي النمال يلعبوا بخشونة
وسبوا لينا عدة إصابآت خطيرة.
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
3- قالك ميكانيسيان شرى سرير
امالا رقد تحتو.
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
4- قالك سراق دخل لدار
امالا دخل للكوزينا هو جا يفتح لفريجيدار
حتى سمع صوت المرا و الراجل دخلوا للدار
امالا طلح فوق الباب وقعد حاكم على الشعرة
حتى هوما دخلوا للكوزينا و بداو يتعاركو على لعشاء
الراجل يقول طيبي كسكسي و هي تقول لالا نطيب مقارونة
و السراق قريب يموت من الخوف حتى طاح من الباب
و المرا بدات تعيط
حتى قاليهم السراق ما تخافوش راهو قاليكم ربي طيبوا شخشوخـة.
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
5- قالك واحد متزوج زوج مراوات
املا كانوا ماشيين بالطونوبيل
حتى طاحت اومبان
امالا هبط يشوف واش البروبلام
امالا المرا لولا حبت تلعبها تعرف وقاتلوا : شوف ما يكون غير الزيت عندك بزاف لاما بدلتوش
املا المرا الثانية غارت وحبت حتى هي توري روحها قالت: لالا باين راك نسيت البيرمي.
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
6- قالك واحد الماني و فرانساوي جاو لدزاير باه يشوفوا الصحرا
امالا هزوا معاهم gــيد دزيري و ديماراو
قعدوا قريب شهر وهوما هاملين في الصحرا حتى
لقاو مصباح سحري راح يجري الدزيري و هزوا
خرج ليهم الجني وقاللهم: شبيك لبيك انا بين ايديك اطلب واش حبيت
بدا الالماني قالوا رجعني لبلادي ايا اختفى الالماني
زاد الفرنساوي حتى انا رجعني للدار
بقا غير الدزيري وحدوا قالوا الجني واش تطلب
قالوا الدزيري : رجع الألماني و الفرنساوي هنا.
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
7- قالك واحد بياع فطاير راح يخطب امالا قالو بابا الطفلة واش تخدم
قالوا عندي فارماسي [يكذب عليه]
امالا غدوة بابا الطفلة راح للبلاد حتى دخل للحانوت تاع الفطاير
لقى السيد يبيع في لفطاير لطفل صغير
امالا كي شافوا السيد قال للطفل: وحدة بعد الغدا ووحدة كي تجي ترقد
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
8- وصل رجل إلى الفندق الذي سيكون نزيلا فيه. ووجد في الشمبرا التاعوا كمبيوتر امالا قال
نبعث رسالة بالبريد الالكتروني لمرتي.
بصح غلط وكتب عنوان بريد الكتروني آخر و بلا ما يعرف بلي البريد لحف مرا أخرى
و كانت هذي المرا كي رجعت إلى بيتها من مراسيم دفن زوجها ، امالا قالت خلي نشوف الرسائل
اللي لحقوني من الأصدقاء ولافامي ، و قرات الرسالة
التالية وأغمي عليها و جاها وليدها الصغير
ولقا يماه دايخة ورأى الرسالة التالية على شاشة الكمبيوتر:
إلى : زوجتي المحبوبة
الموضوع: وصلت منذ لحظات
أعرف أن المفاجأة ستنتابك الآن ، ولكنهم وضعوا كمبيوترات
وفيها خدمة بريد الكتروني الآن
ويسمحون لنا بإرسال رسائل إلى أحبائنا.
وصلت لتوّي وأنهيت إجراءات الدخول والتسجيل . وقد لاحظت أن كل شيء جاهز ومعد لوصولك غداً. أتطلع لاستقبلك
هنا حينها.
آمل أن تكون رحلتك خالية من المتاعب والصعاب التي واجهتها
أنا أثناء رحلتي.
أراك لاحقا!!!
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
9- فالك الاستاذ سأل التلميذ قالوا: شكون اللي يربح البرازيل ولا ليكيب تاع سعادن هاذوا؟
قالوا التلميذ هذا سؤال؟ باين البرازيل.
زاد سألوا الأستاذ و شكون اللي يربح الأرنب أو الذيب
قالوا التلميذ : بيانا الذيــب.
قالوا المعلم الحمد الله كي فهمت الدرس
امالا ضرك و اش تستنتج؟؟
قالوا التلميذ نستنتج بلي البرازيل و الذيب في الفينال.
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
10- قالك واحد كريييييييم تزوج مع وحدة كريييييييييييمة.جابو ولد صدقوه
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
11- قالك واحد راح للطبيب قالوا راني وين نمس توجعني سواء في راسي ولا يدي ولا رجلي.فحصو لقا صبعو مجروح
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
12- قائد الطائرة: آلو، برج المراقبة هل تسمعني؟
برج المراقبة: نعم كابتن، نسمعك بكل وضوح.
قائد الطائرة: كاين ثقب في خزان البزين وراه فرغ و نحن على إرتفاع 10 الاف قدم، واش نديروا؟
سكت البورتابل شوي.. مبعد:
برج المراقبة: كابتن، راك تسمع فينا؟
قائد الطائرة: نعم، بكل وضوح.
برج المراقبة: اوك، قول ورايا " أشهد أن ....
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
13- هادو
زوج خاوة واحد منهم دركي وواحد حفاف, قال الحفاف لأمه نوضيني بكري غدوة..
جات أمه نوضتّو, غلط الحفاف لبس لباس الدرك تاع خوه وهو نعسان شاف
روحو في لمرايا وقال: هيه... قلتلها نوضيني نوضت خويا
ــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
إن شآء الله تعجبكم النتك
وتكونوا فهمتوها مليح
:
نٌكَتْ جَزَآئِرِيَّة 2011 جَدِيَدة الكاتب :
المدير{ع~المعز}العامالمصدر :
منتديات طموح الجزائرالمدير{ع~المعز}العام : توقيع العضو
|
الجنس
المهنة
العمـر
النقاط : 
تقييم الأعضاء : 
موضوع: نٌكَتْ جَزَآئِرِيَّة 2011 جَدِيَدة 
السبت سبتمبر 04, 2010 7:56 pm
