بسم الله الرحمن الرحــــــــيم


اود ان اعرفكم اليوم على بعض انواع الشعر الشعبي العراقي مع بعض الامثلة لكل نوع اتمنى ان ينال اعجابكم

*
*
*


الشعر الشعبي موجود في كل بلدان العالم و العربية خصوصا و هو يمثل كل الطرز الشعرية التي تكتب باللهجة العامية

لتلك البلدان .... و في العراق تجد انواعا كثيرة ساحاول ان اتكلم عن اشهرها و ان اسوق نماذج من الابيات التي كتبتها

انا او من كتابات الشعراء المحترفين ......




1- الشعر الشعبي العمودي



و هو مبني على صدر و عجز و قافية واحدة او اكثر و تستعمل فيه كل اللهجات العراقية المختلفة مثل اللهجة البغدادية او

الموصلية او لهجة اهل الجزيرة او لهجة اهل الرمادي او لهجة اهل الجنوب ... حسب انتماء الشاعر الجغرافي ... و هو

من اكثر انواع الشعر الشعبي شيوعا و انتشارا و يعالج المواضيع الختلفة ....و هنالك الاف القصائد من هذا النوع و هذي

قصيدة للمبدع مالك الحزين يصور بيها موقف لما اراد ان يصارح حبيبته بحبه .... ( لهجة سكان الجزيرة -وسط و شمال

غرب العراق)


انته عينك على شفتي .... و انه عيني على الشفايف

و انه كل عظامي ترجف .... انته خايف و انه خايف

شلون هسه ؟منهو يحجي؟.... منهو يبدي بالسوالف

انته لو اني دخيلك.... مو همت و قلبيي تالف

ادري بعيونك تحبني.... و قلبي لعيونك موالف

بس تعال الي يحجي كلمة.... بلا خجل و بلا مخاوف

ماخجلت بيوم مرة.... و بالحجي شايف و عايف

و ياما ياما لساني غازل.... و سكتت ياما مضايف

و هسه اريد احجيلي كلمة.... مرتبك جسمي يتراجف

و انته شو هم مثلي ترجف.... و بالعرق شو هم مثلي طايف

شصار بينا ؟شمر علينه ؟.... شكثر مرينا بمواقف

ما خجلنا و مارجفنا.... و ما نبوك العين طارف

جنها مو كلمة احبك.... جن جبل بقليبي واقف

و ارد اكلك شنهي هيه.... كلمة لو جرم و مخالف

شو احبك حيل احبك.... كافي عرقانين و ندور مناشف



2- الشعر البدوي ...



و ينتشر هذا النوع من الشعر في المناطق الغربية من العراق و لا يقتصر نظمه على اهل البداية بل يتعداه الى العديد من

الشعراء في المناطق الحضرية ...... بحكم ان نسبة لابئس بها من سكان عراق كانوا من سكان البادية و لحد الان .....

ولي كلمات كتبتها تحاكي قصيدة قراتها في المنتدى بهذه اللهجة ( لهجة بادية العراق الجنوبية الغربية .. اقرب للسعودية )




قالت احبك شوف .. هذي دمعتي,,,, قلت الدموع اشكال و تبكي التماسيح!

قالت لي و الله و قلت و اذيا حلفتي ؟,,,, يحلف حرامي الليل لجل التباريح

قالت حياتي ليل و انته شمعتي,,,, قلت و يا بنت الناس اشري مصابيح !

قالت ببحر الشوق .. تاهت رحلتي !,,,, قلت البحور تخون خير الملاليح!

قالت .. وشو هونت ؟ قلت . ش فهمتي,,,, ماني بغرامك كنت ريشة فوسط ريح!

قالت و جرح الروح ؟ قلت انجرحتي ؟!,,,,قالت اجل منك شفت لتجاريح

قلت و انا شسويت ؟ انتي غلطتي,,,, حبيتي بس الحب يبغى تصاريح!

قالت و فيه غيري؟ قلت انهبلتي ؟!!,,,, قلبي خزينة شوق و ماله مفاتيح

قالت اذن الفراق ؟قلت و حكمتي,,,, قالت تظل ندمان ... قلت و فلا بيح

قالت انت مغرور ... قلتلها و انتي,,,,كذابة و تودين في شباكك نطيح!!!!




3- الدارمي


و هو نوع اخر من انواع الشعر الشعبي العراقي و يتكون من بيتين فقط ... و يقال انه سمي ب ( دارمي ) نسبة الى بلاد

كانت تسمى دار مي و نشأ فيها هذا النوع من الشعر ... و هو يطرح مشاكل او مواضيع باسلوب مكثف و و جميل .... و

هذه ابيات لاحد الشعراء يصف فيها لهفته لوئيا حبيبته باسلوب فيه نوع من الفكاهه ( الابيات بلهجة سكان جنوب العراق)



رشلي الدرب تيزاب"""حافي اعتنيلك

جا شلي بالرجلين"""لوما تجيلك

و يضيف بدارمي اخر

جاشنهي التيزاب"""جاشنهي اللغام

خل اللحوم تطيح"""اوصلك عظام!!



4 الزهيري


و هو من انواع الشعر العراقي الجميلة ... و فيها يكون الزهيري مكون من سبعه ابيات .... الثلاثة الاولى تنتهي بكلمة و

الثلاثة الثانية تنتهي بكلمة اخرى ... ليعود البيت السابع ليختم بنفس الكلمة في المجموعه الاولى ... بشطر ان تتشابه كل

مجموعه من الكلمات لفظيا و تختلف في المعنى ... مثل بيت الزهيري الذي نظمته و يقول ( لهجة اهل الرمادي)



بغداد ما تنحني لا تظن يذلها الهمر


بغداد تبقى علم و شكم غزو ألها مر


خيرات تسكي البشر و إلي أنسكه ألها مر


تسألني ظلت زلم ؟ أي و الله ظلت اجل


تضرب و يشهد زحل ما نال منها وجل

سيفك يخي جرده كل روح و الها اجل

حتى القلب ينمرد لمن يشوف الهمر



او البيت الاخر للشاعر المميز مالك الحزين ( لهجة وسط و شمال غرب العراق)

مارحتي هذا القلب بوصال مره انتي

و مرنتي قلبي على لهجران مرنتيه

ردنه تمرين مرة بشوق مرة انتي

ماردنه منج ذهب..بس شوف وجهج بس

و شحيتي بمواصلج ليما هرشنه يبس

حلوة و شبية قمر و عيون تسحر ...بس

مرة انتي رغم الحلاة البيج مرة انتي




و تتفرع عن الزهيري انواع اخرى مثل اللغز و الذي تكون فيه كلمات الزهيري مشتقة من كلمة واحدة

مثل قولي


عيونك ديرتي تدري و داري

و درت ديرتنا يا درتي اداري

بيك... و ماداري و اداري

دموع العين لو سالت و سالت

سؤال تريد ما تسأل و سالت

سل عني تسلي روح سلت

سئلتك بالذي عالم و داري




...مثل قول اخر لمالك الحزين



دور بدينك يا غالي الروح في دينك ؟

انك تجافي الذي مديون له دينك ؟

بالعجل جتي النهاية و تونه بادينك

وريت قلبي و لا ع الماي تحضرني

و طيوفك بشوق كل مشوار تحضرني

جانت امنيتي قبل لا اموت تحضرني

تغمضلي عيني يا ساهي العين بايدينك



و هنالك الملمع الذي يحتوي على ابيات شهيرة بالفصحى و للاسف لا يحضرني الان بيت ملمع لاكتبه لكم ....




5- الابوذية


و تتكون الابوذي من من اربع ابيات فقط ... الابيات الثلاثة الاولى تنتهي بنفس الكلمة و الرابع بكلمة تكون نهايتها

بالمقطع (يه) و هي تعبر عن موضوع معين بايجاز شديد ... و يشتهر اهل المناطق الجنوبية من لعراق بهذا النوع من

الشعر و مثال ذلك ما نظمت انا


اجه طير الهوى يمي و لاجاك

و عنتر ما عرف حبي.. ولا جاك

تيه قلبي الدنيا و لاجاك

فدوة لضحكتك كل ظيم بيه


او قول احدهم ( اللهجه البغدادية )

حبيبي النار وسط حشاي وجها

و هذا القلب وين تريد .. وجهه

قمر يا ناس شوفوا شلون وجهه

و سلامه من يمر اكبر هديه .....



6 العتابة


و هي تشبه الابوذية من ناحية اشتمالها على اربعه ابيات الا ان البيت الاخير ينتهي بكلمة تنتهي بالمقطع ( اب) ... م هذا

النوع غالبا ما يزدهر في المناطق الوسطى و الشمالية من العراق .....و مثال ذالك ما نظمت انا ( لهجة وسط و شمال

غرب العراق _ بادية الجزيرة )




ما غاب طيف الولف من يوم ودعتو


و قليبي بيدو امانه وياه ودعتو


و نخيت رب العرش يا عالي و دعيتو


تلهم رويحي الصبر و ترجع الي غاب




...........................................