لاتضحك اسنونك حبك طاحن ابراجه

غدرك ايحجي الحجرومن ضيمي نطكني

موذاك الاوكف واحيي صرت هسه انت ولاحاجه

ومن ربي اريد انساك وايوفكني

جنت شمعة درب جنت لعمري سراجه

عايش دنيتي براحه وخله الظلام يطوكني

مابخلت اعليك نطيتك كلشي تحتاجه

نطيتك عين حد ما علقتني وحبك وهكني

شجابني لدربك شجابني عالحب وازعاجه

شجابني آنه اعلى الدروب لبراحتي تضايكني

حبيتك كبر البحر وفيتلك كد امواجه

تعبت من الوفه وحسيت حبك راح يسركني

شكواي مثل مسجنون ايتاني افراجه

وادعي من ربي نسيانك اليرزكني

لو اصبحت للضمد انته علاجه

خله الجرح ينزف لوكل دمي سال مني

لو جنت اعرف ماشي اوياي لفرد حاجه

من زمان ودعت حبك واكلك اترجاك فاركني